Songtext Jelenowski Bap

Jelenowski

1)
Immer seldener, höchstens noch
zwei bess dreimohl em Johr kritte Poss.
Wie hück morje, veedel noh zehn,
als die Klingel jing.

2)
" Jelenowski wonnt dä he em Huus ?"
frooch dä Breefdräjer, dä`t eijentlich woss.
" Nä, dä Pollak " su nannten se en he,
" wonnt he lang nimieh ".

3)
Sinn en noch vüür mir stonn,
Strickjack ahn, janz ejal, ob Schnie oder Sonn,
sinn en noch, dä jootmöödje Ahl,
zwesche dä Wundertüüte un dämm Kamellerejal.

4)
Wat wohr die Schatzkammer vum Dom jäjen die
wildbunte Dösje un Gläsermenagerie,
jäje die Kess, wo die Glanzbilder drinn ?
Wo maach dä bloß sinn ?

5)
Jetz wonne mir he en dämm Huus,
un keiner weiß su richtig, wann dä he russ.
Poss kütt wie jesaat manchmohl noch.
Reklame miehstens oder ne Versandkatalog.

6)
Immer seldener, höchstens noch
zwei bess dreimohl em Johr kritte Poss.
Wie hück morje, veedel noh zehn,
als die Klingel jing.