Songtext Fondamente nove Gualtiero Bertelli

Fondamente nove

Dopo 'sta cale fondamente nove
quante sere passae a far l'amor
de scondon senza farte veder
da la gente ohe passa co riva el bateo.
Tirarte zo tuto senza pensar
dopo che par un foco mi te g’ho strucà,
e ti calda da ‘sti basi infiamai
ti me lassavi far.
Drio a ‘na porta, lontani dal lampion
ti g’ha imparà el vizio de far a l’amor,
el te pareva bruto, fato solo par mi,
par farme un piasser, par farme veder el ben.
A disdot'ani xe diffissile pensar
che strenserse forte sia ‘na roba seria
ti geri rossa e ti g'ha spetà che diga
“Dame la man, che andemo a casa".
Ma un bel zogo dura tropo poco
dentro a 'sta cale ti m’ha dito “Noi me vien”
“Vate a far veder ghe mancaria anca altro”
e gera tropo tardi par no zogarghe più.
Adesso far l'amor saria ‘na roba seria
e anca ti adesso ti lo capissi de più,
ma ti perdi la vogia co ‘sto fio che riva
ti g'ha disdot’ani e mi vintidò.
Co la vogia de sognar, co la vogia de sperar