Songtext El voto de le femene Gualtiero Bertelli

El voto de le femene

Se va in cielo, ghe g’ha dito
el prevosto a la me nona,
se va in cielo co se vota
tuti quanti par la dici.
“Mi no so, caro prevosto,
no me so mai interessada,
mi so dona, so malada,
so ‘na vecia senza fià”.
“Ma xe un caso de cossienza",
ghe risponde el sior cura,
‘“na cristiana de cossienza
fa quel che ghe dise el cura.
E sicome che g’ho l’obligo
de tratarve come plegore,
vegni qua, senteve done,
Bice, Gina, Mariarosa,
vegni qua che ve spiego
tuto quel che avè da far.
Comunisti e socialisti
no xe el caso de parlar,
no la xe roba par vu femene
e lassemoli pur star.
Prosseguendo, ghe xe i monarchici
che voria da capo el re,
ma ‘i xe fiapi, 'i g’ha la spussa
co' fa el pesse che xe passa.
I tassisti g'ha dei meriti,
no se poi dir de no,
ma i xe stai un poco rusteghi,
i s'ha fato voler mal.
I poi anca tornar boni
in un'altra situassion,
per intanto i tegnimo
de riserva e de scondon.
Liberal, santa Maria,
e no steme far dir de più,
la se 'na perfida genia
i g’ha distruto el papa-re.
E po dopo, in confidenza,
badè a mi se me scoltè,
la xe roba de paroni,
no par vu che lavorè.
No ne resta che afidarse
ai milioii che ghe xe.
Boni, semplici, virtuosi
i ghe crede anca a la fe’.
E perciò, scolteme o femene,
credo di avervi dimostrato
che chi non vota scudo crociato
fa un grandissimo pecà.
Lo vuol Dio, lo vuol la cesa,
per la patria e per la fè;
e no ste badarghe ai omeni,
se cristiane, ascoltè me!”